تجربتي مع المادة للوصول للـ A اا M366 ~

**تــهآني** · 10:28 PM

أول شي السلام عليكم و رحمة الله و بركاته

يعطيكم العافية جميعا

فتحت هادا الموضوع بحيث كل شخص أخد المادة .. يجي هنا و يسجل تجربته عشان اللي بعدنا يستفيدوا

مووفقين ..

**تــهآني** · 10:34 PM

- المادة هاي بتتكلم عن الذكاء الإصطناعي يعني باختصار .. "الروبوت" أو الرجل الآلي

- هي تقريبا 6 بلوكات .. معاكم بلوك 1 + 2 + 3 و الباقي أجزاء منهم مش كلهم ..

- بصراحة المادة حلوة لكن دسمة و بتحتاج وقت و اهتمام ..

- رح تتعلموا فيها كيف الكمبيوتر بيتعامل بذكاء .. و تقدروا تعرفوا اذا هالآلة ذكية أو لآ

- المادة محتاجة مذاكرة أول بأول .. مش لأنها دسمة .. لكن لانها مادة حلوة و مهمة و رح تفيدكم كتير

- ممممممممم يمكن ما رح تستفيدوا منها بالجامعة بشكل فعلي .. لأنه ما عنا إمكانيات و مختبرات .... إلخ .. لكن هالشي رح يفيدكم بالأيام الجاية و رح يوسع مدارككم العلمية ..

- الحلو في المادة إنكم بتكتشفوا كيف الآلات بتشتغل بذكاء و كيف العلماء برمجوا هاي الآلات عشان تـــُــحاكي عمل الإنسان ..

- في المادة رح تلاقوا روبوت مصنوع عشان يمشي .. و روبوت تاني مصنوع عشان يسبح بالمي .. و روبوت تالت عشان يمشي فوق سطح القمر .......... إلخ

- رح تتعلموا خوارزميات البحث عن الحل .. و الحلو هنا إنه بتاخدوا أمثلة على ألعاب

تقريبا هادا أحلى و أسهل شي بالمادة .. لأنه لا يخلو أي اختبار أو واجب من هدول الخورازميات

- حاولوا تستمتعوا بالمادة عشانكم انتوا و عشان مستقبلكم .. يمكن يجي يوم و حدا منكم يخترع روبوت للجامعة

الله يوفقكم و يسهل عليكم هالمادة يارب

و أي خدمة أنا جاهزة

**let me shine** · 11:52 PM

ياليت تكلمينا

عن الميدتيرم والفاينال كيف كان

واضح ولا لا .؟

**تــهآني** · 12:25 AM

تكرمي

بالنسبة للميد تيرم أسئلته كوبي بيست من الإكسرسايزات و الأسئلة الموجودة بالكتاب .. يعني كانت واضحة

بالنسبة للفاينال بردو نفس الشي .. كان كوبي بيست من أسئلة الكتاب .. و المسائل كانت بنفس الأرقام ما اتغيرت

بس طبعا صعب كتير تحفظي .. المادة محتاجة فهم .. لو ما فهمتي كل مسألة كيف انحلت .. المادة رح تصير صعبة عليكي كتير

ممكن تقولي إنه الفهم في هاي المادة تقريبا 90 %

**let me shine** · 03:07 AM

يسلمووو قلبي

ماقصرتي والله كنت مستصعبتها بس كلامك ريحني وتحمست لها بعد

**تــهآني** · 03:20 PM

أهم شي الحماس

الله يسهل عليكم المادة يارب

و أي خدمة انا جاهزة

مووفقة حبيبتي

**friend caffe** · 09:58 PM

الله يعطيكم العافية صبايا انا حابه استفسر عن الدراسه لازم ندرس من الكتب او السلايدات
؟؟؟
طب واذا درسنا من السلايدات و حلينا اسئله الكتاب بكون وففنا في الماده ؟؟؟
و شكرا

**تــهآني** · 11:12 PM

الله يعافيكي حبيبتي

السلايدات مختصرة صراحة .. و صعب تدرسي منها

لو درستي منها ما رح تفهمي شي ..

لازم ترجعي للكتاب و تدرسيه و تحلي التمارين االلي فيه

و ازا ما فهمتي شغلة ممكن تفتحي السلايدات و تتصفحيها

مووفقة

**friend caffe** · 12:21 AM

مشكووووووووووووره عزيزتي

**تــهآني** · 01:12 AM

العفو حبيبتي ..

أهلا وسهلا فيك ِ

**دموع الأقصى** · 01:46 PM

توووت يسلمو كتييير .. حمستيني جداا للمادة

طيب سؤال .. في مصادر معينة غير الكتب بتفيد للمادة ؟؟

**عبيرالورد** · 02:01 PM

جزاك الله خير إختى الغاليه

**تــهآني** · 02:19 PM

^^

ولكِ بالمثل أختي

المشاركة الأصلية كتبت بواسطة دموع الأقصى

توووت يسلمو كتييير .. حمستيني جداا للمادة

طيب سؤال .. في مصادر معينة غير الكتب بتفيد للمادة ؟؟

ممممممممممممم

انتي لو اعتمدتي على أكتر من مصدر رح تتخربطي شوي

احنا بالبداية اتصعبنا فيها .. و حاولنا نبحث عن أي شي بالعربي .. عشان نفهم هالمادة ليش انحطت و ليش بناخدها و و وو .. إلخ

المهم .. أنا بدأت أفهم المادة من هادا الموقع

http://www.4uaou.com/vb/forum232/thread10987.html

بعد هيك صرت أعتمد على الله ثم الكتب

الكتب كتير حلوة .. و ازا اتعمقتي في دراستها رح تتحمسي

أهم شي إنك ما تنطي عن شي و انتي مش فاهمتيه .. لأنه أحيانا في أجزاء بالكتاب بتعتمد على الاجزاء اللي بعدها

المادة كتير حلوة و ممتعة و حتلاقيها سهلة كتير مع الدراسة

الله يسهلها عليكم ياااااااارب